Ayyaanni Irreechaa magaalaa Hawaasaatti kabajame

Finfinnee, Fulbaana 17, 2012 (Yeroo) -Ayyaanni Irreechaa magaalaa Hawaasaatti kabajame.

Ayyaanichi Haroo Fiqiritti kabajameera.
Giddugala Aadaa Sidaamaa magaalaa Hawaasaattis marii obbolummaa ummattoota lamaanii cimsuun kabajameera.
Irreecha magaalaa Hawaasaatti kabajamerratti abbootiin Gadaa, maanguddoonni Sidaamaa, qeerroo, qarree, ejjeettoo, ejjeettii, hoggansi godina Sidaamaa fi magaalaa Hawaasaa, mootummaa naannoo Oromiyaa fi federaalaa argamaniiru.

Sidaamuurraa amma Haroo Fiqiritti deemsi miilaa kan taasifame yammuu ta’u, dhiignis arjoomameera.

Ayyaanichi bifa miidhagaa ta’een akka kabajamu godinni Sidaamaa fi magaalaan Hawaasaa tumsa barbaachisaa taasisaniiru.
Ayyaanni Cambalaalaa bara darbe magaalaa Finfinneetti qeerroo fi qarree waliin bifa miidhagaa ta’een kabajamuun isaa ni yaadatama.