Guutummaa Naannoo Tigiraayitti ibsaan irra deebiin adda citeera
Finfinnee, Gurraandhala 10, 2013 ( Yeroo )
Guutummaa Naannoo Tigraayitti ibsaan irra deebiin addaan cituu Humni Elektiriika Itoophiyaa beeksise.
Addaan citiinsa ibsaa guutummaa naannichaatti mudate kanaaf mootummaan federaalaa garee TPLF ‘Haftee Juuntaa ‘ jedheen itti-gaafatamaa taasiseera.
Miidhaa bu’uuraalee misooma ibsaa irratti humni hidhate qaqqabsiiseen guutummaa naannichaatti ibisaan irra deebiin addaan cituutu himame.
Rakkinichi miidhaa humni TPLF hidhatee sosso’u naannoo Adiiguudoom jedhamuun beekamutti sarara daddabarsa humna ibsaa olaanaa Alaamaaxaa-Mahoonii –hanga Maqaleetti diriirfame irratti qaqqabsiiseen mudachuus Humni Elektiriikaa Itoophiyaa hubachiiseera.
Rakkoon mudate ulfaataa ta’us,Humni Elektiriikaa Ityoophiyaa bu’uuraalee misoomaa barbadaa’an deebisee suphuun tajaajila idilee laachuuf hojjechaa jiraachuu ibseera.
